Sibéal Ní Chasaide

Sibéal Ní Chasaide is ainm dom ó Ghaeltacht Ráth Chairn. Is amhránaí mé agus ghlac mé páirt i gCeol 2019 le leagan Gaeilge de Cranberries ‘Linger’. Tá ríméad orm a bheith mar ambasadóir i mbliana mar táim an-mhórtasach as ár dteanga dúchais agus bím iontach brodúil í a labhairt ó lá go lá.

Michael Darragh Macauley

Is mise Michael Darragh Macauley agus is peileadóir mé le Baile Átha Cliath. Ceapaim go bhfuil nasc láidir leis an nGaeilge agus le cluichí dúchais na hÉireann. Is féidir leat do chuid Gaeilge a úsáid i ngach gné de do shaol, fiú ag imirt spóirt, cosúil liom.

Linda Ervine

Is mise Linda Ervine. Ocht mbliain ó shin ní raibh aon Ghaeilge agam, ní raibh fiú an focal ‘fáilte’ ar eolas agam. Faoi láthair táim ag obair mar oifigeach forbartha Gaeilge ag mealladh daoine i dtreo na Gaeilge ón bpobal aontachtach. Molaim duit aon Ghaeilge atá agat a úsáid le linn Sheachtain na Gaeilge le Energia.

Tracy Clifford

Is mise Tracy Clifford, láithreoir raidió le RTÉ 2FM. D’fhoghlaim mé Gaeilge do Bhliain na Gaeilge anuraidh agus d’éirigh liom clár a chraoladh beo as Gaeilge ón nGaelteacht. Táim ag súil go mór le bheith mar ambasadóir do Sheachtain na Gaeilge le Energia, is deis iontach dom leanúint le mo chuid Gaeilge agus níos mó Gaeilge a úsáid ó lá go lá.