Dún

Lá na Meán Sóisialta

#LNMS17

Leis an méid Gaeilge a úsáidtear ar líne ag fás in aghaidh an lae, bheartaigh foireann Sheachtain na Gaeilge gur chóir dúinn céiliúradh a dhéanamh ar seo agus lá faoi leith a roghnú le céiliúradh a dhéanamh ar an nGaeilge ar líne le linn Sheachtain na Gaeilge le Energia.

Tá obair na gcapall déanta ag Facebook agus comhlachtaí idirnáisiúnta eile leis an teanga a chur chun cinn agus bíonn na mílte ag baint úsáid as a gcuid Gaeilge ar na meáin shóisialta. Táimid ag iarraidh daoine fud fad an domhain a spreagadh le níos mó Gaeilge a úsáid ar an lá seo ach go háirithe!

Is í an Ghaeilge ceann de na 100 teangacha is gníomhaí ar líne. Is léir an t-éileamh atá uirthi ó na seirbhisí atá ar fáil anois trí Ghaeilge; téacsáil réamhaithriseach, aipeanna agus na céadta suíomhanna idirlíne.

Ar Déardaoin 16 Márta 2017 beidh Lá na Meán Sóisialta againn. Is féidir páirt a ghlacadh sa lá seo pé áit a bhfuil tú lonnaithe ar domhan! Le páirt a glacadh níl ort ach postáil a chur in airde ar chuntas atá agat ar ardán ilmheánach ar bith agus an haischlib #LNMS17 a chur leis. Chomh simplí le sin!

Ná déanaigí dearmad leas a bhaint as na meáin shóisialta sa chuid eile de Sheachtain na Gaeilge le Energia chomh maith. Bain úsáid as na haischlibeanna #SnaG17 agus #Gaeilge leo seo agus déanfaidh muidne na cinn is fearr a roinnt onár gcuntais.

Facebook

  • ~ Athraigh do chuntas FB go Gaeilge
  • ~ Bí páirteach i ngrúpaí ar FB ar nós Gaeilge Amháin (Grúpa do phobal na Gaeilge timpeall an domhan)
  • ~ Cuir postálacha as Gaeilge in airde ar do leathanach féin

Twitter

  • ~ Athraigh do chuntas Twitter go Gaeilge
  • ~ Bain úsáid as na haischlibeanna #SnaG17 & #Gaeilge
  • ~ Bain úsáid as an haisclhib #LNMS17 ar Lá na Meán Sóisialta ar 16 Márta 2017

Snapchat

  • ~ Lean cuntais Gaeilge ar nos CnaGaeilge nó TG4TV
  • ~ Bain úsáid as scagairí Gaeilge ar do ghrianghraif

Instagram

  • ~ Glac grianghraif le linn imeacht SnaG agus bain úsáid as an haischlib #SnaG17
  • ~ Bain úsáid as na haischlibeanna #SnaG17 & #Gaeilge
  • ~ Lean cuntais Ghaeilge ar nós Raidió Rí-Rá, Seachtain na Gaeilge nó Conradh na Gaeilge

FACEBOOK

GMAIL

TWITTER

LINUX

MICROSOFT OFFICE

UAIR CÓDÁLA

AR GHUTHÁIN

Coimeád an litir síos le síneadh fada a aimsiú

AR RÍOMHAIRE

Brúigh Alt Gr + an litir le chéile le síneadh fada a fháil

Bain triail aisti - Surprise Yourself!