Dún

Archive for category: Nuacht

Fáilte go Snag.ie!

Fáilte go suíomh nua Sheachtain na Gaeilge. Táimid ar bís go bhfuil suíomh glan, úr, nua faighte againn in am don fhéile na bliana seo. Agus nach álainn a bhfuil sé!

Chomh maith lena bheith i bhfad níos simplí le húsáid, tá i bhfad níos mó eolais ar an suíomh seo;

Is féidir ordú a chur isteach ar ábhar thacaíochta ar líne anois – i bhfad níos áisiúla! Tá liosta iomlán den rogha ábhair le feiceáil chomh maith le praghsanna nua. Tá súil againn go gcabhróidh seo libh agus go ndéanfaidh sé an saol níos éasca agus sibh ag ullmhú do Sheachtain na Gaeilge le Energia.

Tá athnuachan déanta againn ar na gcomórtais scoile i mbliana. Tá comórtas úr nua againn in éineacht le SULT & The Irish Daily Mail – is féidir chur isteach ar an gcomórtas seo ar an leathanach Comórtais Óige. Fógrófar na buaiteoirí i SULT, clár oifigiúil na féile a mbeidh ar fáil saor in aisce leis The Irish Daily Mail Satharn 25 Feabhra. I dteannta le seo tá comórtais clár raidió, blagáil, filíocht, ealaín.. Agus rannóga éagsúla oiriúnach do gach aoisghrúpa! An spriocdháta do na hiarratais ná 24 Márta. Go n-éirí libh!

Ba mhaith linn buíochas a ghabháil leis an bhfoireann ag Peig.ie a bhfuil ag cabhrú go mór linn i mbliana agus imeachtaí Sheachtain na Gaeilge le Energia á gclárú leo. Is iontach an deis é bhur n-imeacht a chlárú leo mar go mbeidh gach eolas orthu le feiceáil ar aip Sheachtain na Gaeilge, a bhfuil íoslódáilte ag os cionn 11,000 daoine.

Tá súil againn go mbainfidh sibh leas agus spraoi as an suíomh nua. Má tá ceist ar bith agat is féidir teagmháil a dhéanamh linn tríd an leathanach teagmhála. Ag súil go mór le féile eile a cheiliúradh libh.

Le meas,

Foireann Sheachtain na Gaeilge

Brenda, Orlaith, Síomha, Seán

Bain triail aisti - Surprise Yourself!